Битолски Весник Весник што се чита и прераскажува 60 години со читателите
Во врска со изнесените ставови од младите социјалдемократи со прес конференција денес се јавија младите од УМС.
Оние кои манипулираат со граѓаните се токму оние лица кои во овој момент изигруваат власт. За потсетување: кога ВМРО-ДПМНЕ беше на власт, младите во Битола добија спортска сала во рамките на универзитетот Климент Охридски, добија уште две спортски сали во рамките на Средното економско училиште и во рамките на средното медицинско училиште, каде до ден денес се развиваат и продуцираат млади спортисти.
Што се однесува до образованието: во времето на ВМРО-ДПМНЕ имаше безплатен превоз од секој крај на Република Македонија, сега за жал таа мерка во општина Битола, од оваа година е укината. Се отворија дисперзирани факултети и се даде можност на секој млад човек да студира за поевтина цена. Сега за жал, власта прави напори и тие дисперзирани факултети еден по еден да ги укини. Се овозможи компјутер за секое дете, се овозможија бесплатни учебници и преводи на голем број дела од многу научни области од целиот свет.
За Економијата: да потсетиме дека во времето на ВМРО-ДПМНЕ се отвори фабриката Кромберг и Шуберт во која работат и заработуваат за своја егзистенција преку 6000 наши сограѓани од кои повеќето се млади лица. Оваа фабрика во времето кога СДСМ беше опозиција беше нарекувана “логор на смртта”. А на републичко ниво, скоро и да немаше ден кога некоја нова инвестиција се најавуваше или некоја нова инвестиција се отвараше и почнуваше со работа.
Исто така во Битола со доаѓањето на ВМРО-ДПМНЕ на власт се обновија двата гратски паркови, се направи скејт паркот, две тениски игралишта кои до неодамна беа оставени слободно да се користат, целосно се осветли Тумбе Кафе и уште многу проекти за младите во Битола.
Што се однесува до иселувањето, ние не зборуваме на памет, туку оставме бројките да зборуваат, а тие велат вака: Во 2017-та и 2018-та нагло пораснал бројот на лица со македонски пасош што добиле дозвола за престој во земјите на ЕУ и на ЕЕА. Овие бројки веројатно се многу поголеми, затоа што во нив не се содржани лицата од Македонија со бугарски и други пасоши, како ни тие што илегално престојуваат во земјите на ЕУ и ЕЕА.
Бројот на иселени лица откако дојде животот и се она што тој живот на СДСМ ни донесе, рекетирање, кражби, убиства, тендерски местенки итн. во 2017 ја надминува бројката од 22.000 лица, а во 2018та иако не целосна бројка, таа сепак надминува над 24.000 иселени лица што претставува и своевиден негативен рекорд. Тебелата со податоците за иселувањето во последните 10 години ќе му ја доставиме на сите заинтересирани вклучувајќи ги и „загрижените„ во СДММ.
Нашите сограѓани од СДММ не се виновни, никој не им кажал за ова затоа и не знаат, а најверојатно нивните идеолошки татковци не им кажале ниту за катастрофата што му ја направија на Република Македонија и на Битола во 90сетите и нивната криминална приватизација на општествениот капитал, а за аферата ТАТ и да не зборуваме. ��
Но сепак, дојде живот, ставете розови очила, многу е добро.
