Битолски Весник Весник што се чита и прераскажува 60 години со читателите
Пандемијата од Ковид 19 зеде уште една жртва од здравтсвените работници.
Од компликации од Ковид -19 почина радиологот од Здравствениот дом во Ресен, Поликсена Стојановска – Ѓоргиевска, на возраст од 61 година
Веста за нејзината смрт ја објави Асоцијацијата на специјализанти и млади лекари.
Колегите од Здарвстевниот дом во Ресен се простија од Поликсена Стојановска-Георгиевска со мошне емотивна порака.
-Тешко е да се простиш од некој и да кажеш збогум кога е тој нераскинливо врзан за твоето постоење и функционирање.
Но е лесно кога треба да кажеш што се тој човек значи за нас.
Поликсена Стојановска – Ѓоргиевска- нашата Поли – специјалист по радиодијагностика.
Целиот свој работен век е дел од овој колектив, сето свое знаење и квалитет ги вгради во оваа институција, цела своја човечност и топлина им ја даде на пациентите во Преспа.
Насмеана, тивка, одмерена, но со силен став и професионалност. Беспрекорна во својата работа, без компромисно да одговори на лекарски позив, па дури и во овие времиња- невремиња беше во првата линија, не враќајќи ниту еден пациент, не отстапувајќи – ниту еден ден.
Глас никогаш не повиши, но одекна многу далеку и силно.
Поли- прекрасен човек, голем професионалец, незаменлива сопруга и мајка.
Ни е чест што беше дел од овој колектив, што имавме прилика да чекориме покрај тебе во животот и работата.
Почивај во мир, пишува вопораката на колегите од Здравствениот дом во Ресен.
