Битолски Весник Весник што се чита и прераскажува 60 години со читателите
Со посебна свеченост, основното училиште „Свети Кирил и Методиј“, го одбележа својот патрон празник.
На настанот, директорката на училиштето, Жанета Тошевска, им додели награди и признанија за учениците кои во изминатиот период покажале посебни достигнувања од областа на природните науки и истражувачката дејност, за придонес во училишниот спорт и други области.
Градоначалникот на Општина Битола, Тони Коњановски, во својата честитка по повод патрониот празник на училиштето и големиот празник-Денот на сесловенските просветители, Браќата „Свети Кирил и Методиј“, им честита на сите наставници за нивната голема заложба и посветеност во работата со учениците, а на најмладите им порача да продолжат да напредуваат, да го надградуваат своето знаење, за да станат интелектуално силни личности кои ќе дадат сопствен влог во напредокот на својот град и својата држава.
