Почна со наплата на паркирањето во затворените паркинзи
Posted by: Битолски Весник
in Uncategorized
August 29, 2019
2,340 Views
- Јавното претпријатие за изградба и одржување на јавен простор за паркирање и уредување и организирање на јавен локален превоз на патници во Oпштина Битола, ги известува битолчани дека од денес, четврток 29.08.2019 година, почнува со наплата на паркинг услугите на четирите затворени паркинг простори на локациите Јавор, Стара автобуска, Центар за култура и Спортска сала. Завршени се сите кадровски подготовки, опремени се просториите со потребната опрема, ставени во функција терминалите и рампите на четирите наведени локации. Што се однесува на зонското паркирање во тек се тестирања на трасите на мобилните оператори за испраќање на СМС протоколите за наплата. Во оној момент кога ќе се потврдат тестовите веднаш ќе биде воспоставен систем на наплата на зонското паркирање.
- Воедно би сакале да информираме дека наплата на услугите ќе се врши согласно новиот ценовник во кој е извршено намалување на цената на паркинг сесијата. На трите затворени паркиралишта Јавор, Стара автобуска и Центар за култура цената на услугатаизнесува 30 денари за два часа секој нареден час плус 25 денари, додека цената на услугата на паркингот кај спортска сала Боро Чурлевски изнесува 30 денари цел ден.Наплатата на услугите ќе се врши од 7-21 часот од понеделник до сабота.Со почнувањато со работа на јавното претпријатие отпочнува процесот на решавање на сообраќајниот режим на паркирањето.Дополнителни информации кои се однесуваат на режимот на паркирање граѓаните можат да добијат на телфонскиот број 047222999 или да ги посетат просториите на јавнотопретпријатие на ул. Солунска бр. 83-а Битола.Битола, се вели во соопштението на Градски паркинзи.
култура паркинзи 2019-08-29
Битолски Весник Весник што се чита и прераскажува 60 години со читателите
