Битолски Весник Весник што се чита и прераскажува 60 години со читателите
Во врска со реакциите на некои поединци згрижени во државен карантин во хотелот “Молика“ на Пелистер, денеска реагираше раководствто на ЕЛЕМ Турс.
– Сакаме да ја известиме јавноста дека во хотелот ,,Молика” во изминатиот период згриживме 200 граѓани во државен карантин. Додека најголемиот број од нив беа и се презадоволни не само од условите што ги пружа хотелот, туку и од услугите на пресоналот, одредени поединци, од само ним познати причини се обидоа да го нарушат угледот на хотелот.
Хотелот “ Молика “ работи по највисоки стандарди и ги запазува сите протоколи и процедури, како во секојдневни услови, така и во услови на државен карантин, во кои во моментов пружаме услуги.
Во врска со ситуација минатата недела, во која на хотелот му беше испорачан запакован прехранбен производ, кој не беше во исправна состојба и кое нешто се утврди дури по отворањето на паковањата, сакаме да ја известиме јавноста дека од наша страна веднаш беше направен записник за фактичката состојба и писмено реагиравме до добавувачот кој има склучено договор со нас за добавување млечни производи, но исто така реакцијата се однесуваше и до самиот производител. Во реакцијата посочивме дека нивниот пропуст се одразува на нашиот имиџ како познат угостителски објект и бренд, а исто така и врз нашите гости, и дадовме опомена пред раскинување на договорот поради направениот пропуст од нивна страна.
Сакаме да потенцираме дека сите граѓани кои издржуваа и издржуваат државен карантин во хотелот ,,Молика” се многу задоволни од престојот, условите и услугата од наша страна, и нивните коментари одат во насока на изразување благодарност за се што правиме за да им го олесниме ова, за нив, тешко искуство за кое ние имаме големо човечко разбирање.
Во однос на исхраната, хотел ,,Молика” за лицата кои се во карантин во нашиот објект обезбедува мени по сите хотелски стандарди и стандарди во туризмот. Исто така, обезбедуваме и соодветно мени согласно побарувањата на дел од лицата во карантин врз основа на нивните верски и религиозни определби.
Сметаме дека не е во ред поединци да се обидуваат да градат друга слика во јавноста, поинаква од реалната, и затоа апелираме до медиумите и до граѓаните кои ги следат случувањата, да не се потпираат само на искази на една личност, во кој и да е случај, па така и во овој случај.
Сакам да нагласам дека нашите вработени работат под вонредни околности, опслужувајќи лица во државен карантин, и за жал нивната работа е отежната токму и поради неодговорното однесување на мал број од тие лица кои се обидуваат да ги прекршат протоколите, но за среќа има навремена реакција од органите на редот, што резултираше и со казни за лицата, за што јавноста веќе беше известена.
Ние како хотел “Молика“ и како бренд во туризмот на нашите простори, реагираме на обидот одредени незадоволства на дел од штитениците во карантинот, кои потекнуваат од други причини, да бидат пренасочени кон нанесување штета на имиџот на хотел ,,Молика” изјави на денешната прес конференција извршниот директор на извршниот директор на Елем Турс, во чиј состав работи хотелот “ Молика“, Никола Каровски.
