Битолски Весник Весник што се чита и прераскажува 60 години со читателите
Откако лидерите на Европската Унија вчера не успеаја да донесат одлука во однос на отворањето на пристапни преговори со Македонија и Албанија, бидејќи Франција, Холандија и Данска сметаат дека двете земји не се спремни, се очекува денес да биде дефинитивно познато дали Германија и другите поддржувачи на преговорите ќе се изборат за макар некаков компромис со трите скептични држави.
-Нема заклучоци денеска – изјави доцна синоќа финскиот премиер Анти Рине, при излегувањето од зградата на Советот на Европската унија, додавајќи дека се надева оти е можно денеска да се постигне договор.
Сепак, холандскиот премиер Марк Руте за новинарите рекол дека дискусијата за проширувањето се оставени за следниот Европски совет.
-Сите признавме дека и во Северна Македонија како и во Албанија, завршена е огромна работа – рече тој, но воедно додаде дека има уште работа да се направи во обете држави.
