Битолски Весник Весник што се чита и прераскажува 60 години со читателите
Реализацијата на проектот за реконструкција на спортските игралишта кај ОУ „Елпида Караманди“, се одвива согласно предвидената динамика, информираат од Битолската локална самоуправа.
Оттаму додаваат дека деновиве, интензивно се работи на ископ и гребење на стариот и значително оштетен асфалт, а отстранети се и оградите.
–На овој начин, се овозможува соодветно прилагодување на теренот за изградба на новите терени за фудбал, кошарка и одбојка, како и фитнес зона и патека за трчање. Овој проект, произлегува од заложбата на локалната самоуправа за создавање на подобри услови за спортување за учениците и младите и развивање на нивниот спортски и натпреварувачки дух–велат од Општина Битола.
