Битолски Весник Весник што се чита и прераскажува 60 години со читателите
Лидерите на двете најголеми политички партии, Зоран Заев и Христијан Мицкоски од денеска се во задолжителна изолација, соопшти министерот за здравство Венко Филипче на денешната вонредна прес конференција во Владата.
-Лидерите на двете најголеми се во задолжителна домашна изолација бидејќи еден новинар од телевизиски медиум е позитивен, а во текот на минатата недела имаше тв интервјуа, и со Мицкоски и со Заев, рече Филипче.
Тој додаде дека тестот на Мицкоски е негативен, а бил изработен доцна синоќа, но ќе биде во задолжителна изолација во 14 дена, а на Заев резултатот ќе биде готов во текот на денешниот ден. Лидерот на СДСМ патувал кон Струмица и таму ќе биде во домашна изолација.
-Новинарот е во стабилан здравствена состојба, и е на лекување во болницата 8 Септември. Во текот на утрото и денот ќе се направат анкети и ќе се знае точниот број на лицата кои ќе одат во изолација, рече министерот, додавајќи дека за резултатите на Заев ќе ја информираат јавноста на следната прес конференција.
