Битолски Весник Весник што се чита и прераскажува 60 години со читателите
Со завршувањето на Старата 2018 и доаѓањето на Новата 2019 година, Битолски весник ја почна годинашната традиционална акција “ Избираме најуспешни битолчани 2018”
Веднаш по новогодишните празници и објавувањето на првите гласачки купони, во нашата редакција пристигнаа првите предлози на кандидатите за признанијата на Битолски весник.
Почетокот на Акцијата покажува дека конкуренцијата за признанијата во годинашната акција, која е јубилејна, 20 по ред, ќе биде исклучително голема.
Инаку читателите на Битолски весник можат да гласаат на купоните кои ги објавуваме на Огласната страница, како и на нашиот меил.
И годинава како и во сите изминати 19 години претходно, ќе бидат избрани најуспешните битолчани во областа на политиката, бизнисот, образованието, културата, естрадата, новинарството, спортот, невладините организации, банкарството, а ќе бидат доделени и награди за животно дело и трајни вредности, како и наградата “ Ајри Демировски”
