Битолски Весник Весник што се чита и прераскажува 60 години со читателите
Сите патни правци кон Прилеп, Кривогаштани, Долнени и Крушево се исчистени од снегот и проодни, информираа утрово од Подружницата на „Македонија пат“ од Прилеп.
Според раководителот на Подружницата Гоце Стефаноски, и превојот Плетвар е прооден за сите видови возила.
– Екипите ги исчистија сите патни правци и превојот Плетвар. Ноќеска на Превој се исчистени и навеви од снег од еден метар кои ги создаваше ветрот. На Плетвар снежната покривка е 50, а во Прилеп изнесува околу 30-ина сантиметри. За чистење на патните правци ноќеска се фрлени 120 метри кубни абразивен материјал и имаме доволно за одржување на патиштата, изјави Стефаноски.
Откако механизацијата на „Македонија пат“ ќе го дорасчисти и патниот правец за Македонски Брод, ќе се расчистува и патот за Мариово.
