Битолски Весник Весник што се чита и прераскажува 60 години со читателите
Денеска претпладне, во НУУБ “ Св. Климент Охридски “ Битола во присуство на голем број почитувачи на неговото новинарско дело, членовите на неговото потесно семејство, по 12 пат беше врачена наградата за новинарство на Битолски весник, “ Тоде Петрески”
Годинашен добитник на наградата за новинарство на Битолски весник за 2017 година , која го носи името на покојниот новинар на македонското радио, Радио Скопје, Тоде Петрески, е новинарот Никола Талевски.
Никола Талевски е роден на 18.01.1940 година во Битола. Својата професионална новинарска кариера ја почнува мошне млад во далечната 1962 година во Радио Битола, каде што претходно како хонорарен соработник ја уредуваше и водеше хумористично сатиричната емисија “Радио хумор и сатира”.
Од 1970 година тој е професинален дописник на Телевизија Скопје, каде останува да работи до пензионирањето во 2004 година.
Никола Талевски зад себе има богата новинарска кариера, а иако е длабоко навлезен во осмата деценија од животот тој сеуште е активен новинар и го уредува локалниот двонеделник “Инфо Магазин”
Напишал 6 книги, најмногу од областа на хуморот и сатирата.
Добитник е на неколку престижни новинарски награди, а носител е на две југословенски награди од областа на хуморот и сатирата 1971 година во Будва Црна Гора и Крушевац 1994 година.
