Битолски Весник Весник што се чита и прераскажува 60 години со читателите
Директорката на средното училиште “ Таки Даскало“Елизабета Наумовска ќе биде предложена за нов заменик министер за образование.
Ова го соопшти вечерва по завршувањето на ЦО, лидерот на СДСМ и премиер Зоран Заев.Тој додаде дека Кирил Колемишоски ќе биде предложен за нов министер за економија и Неџат Мехмедовиќ за заменик министер во министерството за политики систем.
Предлог за нов министер за финансии ќе биде Нина Ангеловска, изјави премиерот Зоран Заев по седницата на Централниот одбор на СДСМ. Предлогот веќе утре ќе биде доставен до парламентот.
Заев рече дека со ваквиот предлог се испраќа порака дека младите треба да се ангажираат, да се борат, да се образуваат затоа што високите позиции се достапни за сите.
На Централниот одбор избрани се пет партиски потпретседатели: Мила Царовска, Коста Петров, Оливер Спасовски, Дамјан Манчевски и Мухамед Зеќири.
