Битолски Весник Весник што се чита и прераскажува 60 години со читателите
Општина Новаци беше дел од манифестацијата „Македонска традиционална трпеза” во Организација на жени од Битола и организаторите на емисијата “Вкусот на традицијата“.
Целта и идејата на оваа манифестација е да се промовира македонската кујна но воедно и да се оддаде почит и признание на македонската жена која ги преточува обичаите во најубавите трпези со историски прикази и посветеност.
Општина Новаци секогаш дава поддршка на настани каде се вреднуваат македонските традиции
-Секогаш кога се вреднуваат македонските обичаи, традиции и македонските јадења општина Новаци со драго срце прифаќа да учествува и да биде спонзор. Таква беше и оваа манифестација која беше навистина посетена и имаше што да се види. Само со вакви настани ќе можеме да го продолжиме она што ние аманет од нашите претци и да им го пренесеме на нашите идни поколенија- изјави градоначалникот на општина Новаци, Лазар Котевски.
По свеченото отворање беа изложени сите прекрасни македонски јадења и трпези за посетителите а потоа следуваше и доделување на награди и признанија за најдобрите и најупешните учесници на оваа манифестација.
Б.В.
