Битолски Весник Весник што се чита и прераскажува 60 години со читателите
Од Центарот за јавно здравје во Битола информираат дека по направнеите тестирања во старскиот дом “ Сју Рајдер“ негативни се резултатите на ковид 19 на лицата кои биле во иста соба со заболениот 85-годишен пациент кој бил заразен од корона вирусот.
Од Центарот за јавно здравје Битола информираат дека првите пристигнати три резултати се негативни, а се очекуваат резултатите од земените брисеви на уште околу 20-тина лица од домот, вработени и пациенти.
Инаку 85-годишниот пациент кој бил на 18 март сместен во старскиот дом “ Сју Рајдер “ по откривањето на заразата е префрлен на Инфективното одделние во Клиничката болница во Битола, моментално се наоѓа во добра состојба и е стабилен.
-Пациентот е се уште на Инфективното одделение во Клиничката болница, со релативна лесна слика, со оглед на возраста која е најризична група и заради условите и другите пациенти во домот, нема да се врати, останува на натамошно лекување, изјави прим.д-р Елизабета Крстева, директор на Центар за јавно здравје Битола.
Инаку од Министерството за здравство велат дека моментно санаитарниот инспекторат испитува како се се случи инфицирањето во старскиот дом “ Сју Рајдер “ во Битола, каде се сместени околу 150 корисници.
