Битолски Весник Весник што се чита и прераскажува 60 години со читателите
„Граѓаните имаа можност да го чујат, видат и почуствуваат криминалното и антидржавничко владеење на Никола Груевски и ВМРО-ДПМНЕ, кога преку криминал, корупција, насилство, притисоци и сеење омраза и поделби, ракововодството на ВМРО-ДПМНЕ криминално се богатше на сметка на осиромашените и угнетени граѓани“, стои во реакцијата на СДСМ на прес конференцијата на лидерот на ВМРО-ДПМНЕ, Никола Груевски.
„Денес, кога се соочени со одговорноста за направените дела, Груевски и ВМРО-ДПМНЕ преку лаги, конструкции и манипулации се обидуваат да избегнат одговорност за се она што го сториле.
Груевски и ВМРО-ДПМНЕ мора да престанат да бегаат од правдата, да се ставаат над законите и правниот поредок и мора да соберат храброст да се соочат со одговорноста за направените штети врз граѓаните и државата. Сите, па вклучително и Груевски и раководството на ВМРО-ДПМНЕ, мора да одговораат за своите постапки пред независен и професионален судски систем. Пред правдата сите мора да бидат еднакви и тоа важи и за Груевски и за ВМРО-ДПМНЕ.
Врвен национален интерес за сите граѓани е враќање на правдата и правниот поредок во државата. Македонија мора да биде и ќе биде правна држава во која законите ќе важат за сите подеднкаво без разлика на нивната етничка, верска, политичка или каква било друга определба“, стои во соопштението на СДСМ.
