Битолски Весник Весник што се чита и прераскажува 60 години со читателите
Новата учебна година започнува в понеделник на 4 септември а во општина Новаци веќе привршуваат последните подготовки околу средување на училиштата, дворните места и просториите за изведување на настава.
„ Во понеделник започнува новата учебна година а за прв пат школувањето ќе го започнат 26 првачиња. Во моментот ги средуваме училниците, варосуваме, дворните места во сите подрачни улчилишта на ниво на општина Новаци. “ рече Лазар Котевски, градоначалник на општина Новаци.
Паралелно се прави расчистување на просторот и отстранување на стариот руиниран објект во дворот на ЦОУ „ Славко Лумбарковски“ Новаци . На негово место ќе се гради еколошко едукативен парк за настава во природа т.е еко паркче.
Исто така се прават и последните подготовки за стартот на новата воспитно учебна година и во центарот за ран детски развој Бамби во Новаци за кој е веќе започната постапка за преименување во детска градинка.
Исто така се варосуваат и средуваат училниците и во подрачното училиште на ЦОУ „ Славко Лумбарковски“ во село Добромири.
Новата учебна година започнува во понеделник а годинава во ЦОУ „Славко Лумбарковски“ школувањето за прв пат ќе го започнат 26 првачиња.
