Битолски Весник Весник што се чита и прераскажува 60 години со читателите
Културно уметничкото друштво Илинден Битола прослави 69 години од основањето со два импресивни концерти што ја воодушевија многубројната публика во големата сала на Центарот за култура во Битола.
–Непосредно пред објавување на официјалните албуми од двата концерти, сакаме да изразиме благодарност до нашата верна публика, која верно не подджува во изминатите години. Посетеноста и позитивните реакции ни се мотив за уште побогата програма во наредната година, кога прославуваме јубилејни 70 години-споделија на официјалната страница на социјалната мрежа Фејсбук од КУД Илинден Битола.
Првиот концерт започна во 17 часот, и на истиот се претставија детски и младински групи, како и рекреативната група.
Специјални гости на концертот беа членовите на културно уметничкото друштво од Јелса (Хвар), Република Хрватска.
Настапија и гости од Република Грција, а публиката уживаше во традицијата и музиката.
Културно уметничкото друштво Илинден – Битола основано во 1955 година е целосно посветено на проучување и оживување на македонските народни традиции.
