Афоризми

Ништо не е чудно што до младите не стигнува ни една критика, кога по цел ден ги боли увото.

Никако да порасни, со две години беше татин син, со пеесет европско дете.  

          Овие денови пред изборите некои се превртуваат на политичката сцена, некои во гробовите.

          Не ни е нас лошо, така ни се чини.

          Дефинитивно Македонија е земја на фудбалот, не се знае кој кого дрибла.           Оваа власт е толку неозбилна, што почнав да ја сфаќам озбилно