Битолски Весник Весник што се чита и прераскажува 60 години со читателите
Синоќа во Битола, се одржа традиционалниот и гламурозен црно- бел хуманитарен бал во организација на битолските лајонси.
Оваа година беше во знакот на пријателството на Македонија со Кралството на Белгија, земјата на чоколадите и вафлите, земја која е политички центар на Европа, земја со извонредна историја и многу славни личности.
Лајонсите од Битола, Македонија и ширум светот црно белата ноќ ја обоија во боите на пријателството и филантропијата, дарувањето и донирањето.
Средствата од синоќешниот бал ќе бидат искористени за набавка на спортско-рекреативна опрема која ќе биде за малата спортска сала која се наоѓа во Битола во зградата на Центарот за социјални работи, а која ја користата здружението на слепи лица, здружението на глуви и здружениците на хендикепирани лица.
За гостите на балот вистинска реткост беше во преполната агенда на првиот човек на Лајонсите во светот Џони Престон да биде заедно со нив на балот во Битола.
На синоќешниот бал на гостите им се обрати актуелниот Гувернер на Дистрикт 132 Драги Филевски, а гости на балот беа и првиот гувернерот на лајонсите во Македонија Небојша Давидовски и поранешни Гувернери.
Беа промовирани новите членови, доделија специјални признанија, а го објавија и изборот на почесен член на овој клуб.
Извор: tera.mk
