Битолски Весник Весник што се чита и прераскажува 60 години со читателите
Поранешниот вокал на групата „Вем“, Џорџ Мајкл вечерва почина во 53. година од животот.
Веста за смртта на легендарниот музичар ја објави неговиот публицист, а според изворите од полицијата, неговата смрт не се должи на сомнителни околности.
Во писмено соопштение, публицистот на Џорџ Мајкл истакна:
– Со жалење ве известувам за смртта на нашиот сакан брат, син и пријател Џорџ Мајкл. Тој почина вечерва мирно во својот дом во Оксфордшир за време на божиќните празници – се вели во соопштението.
Помеѓу најпознатите песни на поп иконата се хитовите „Careless Whisper“, „Last Christmas“ и „Freedom“, а во текот на својата 30-годишна кариера освои многубројни награди.
За животот на Џорџ Мајкл е снимен и документарниот филм „Поинаква приказна“ (A different story) во кој е опишува приватниот и професионалниот живот на поп иконата.
