Битолски Весник Весник што се чита и прераскажува 60 години со читателите
На вчерашното редовно изборно Собрание по четиригодишниот мандат како претседател на Друштвото на филмски работници, со големо мнозинство гласови беше реизбран Игор Иванов – Изи.
Игор Иванов – Изи ќе го предводи Друштвото на филмски работници во наредните четири години.
Во овој мандат, фокусот ќе биде ставен на зголемувањето на националниот буџет за филм и други аудиовизуелни дела, донесување на нов закон за филмска дејност и конечно решавање на статусот на филмските работници.
На истото Собрание беа усвоени и извештаите на: Симеон Мони Дамевски за ИФФК „Браќа Манаки“, Томи Салковски за „Златна Рамка“ – Ревија на македонски филм и на Иван Ивановски за „50 години македонски анимиран филм“.
