Битолски Весник Весник што се чита и прераскажува 60 години со читателите
На денешната седница на Собранието предмалку, по долга неколкучасовна дискусија, на која пратениците на опозицијата дадоа поголем број забелешки, попладнево со 62 гласа за беа изгласани 15- те заменик-министрите предложени од премиерот Зоран Заев.
Воздржани беа петмина, а останатите од 108 присутни пратеници не се изјаснија воопшто со притискање на копчето.
Притоа претседателот на Собранието Талат Џафери им честиташе на заменик-министрите и нагласи дека со изборот завршува мандатот на досегашните заменик -министри.
Заменик министер за одбрана е Беким Максути, за внатрешни работи – Агим Нухиу, за правда е Оливер Ристовски, за надворешни работи – Арта Точи, за финансии – Ширете Елези, за економија – Кире Наумов, за шумарство и водостопанство предложен е Власте Димковиќ, за здравство – Гоце Чакаровски, за труд и социјална политика – Елми Назири, за локална самоуправа – Дејан Павлевски, заменик на министерот Алаѓозовски е Владимир Лазовски, зааменик на министерот за информатичко општество и администрација предложен е Владимир Бајдевски, за транспорт и врски – Ремзи Мехмети и заменик министер за животна средина и за просторно планирање е Јани Макрадули.
