Битолски Весник Весник што се чита и прераскажува 60 години со читателите
Започна реновирањето на помошното фудбалско игралиште „Павел Шатев“, попознато како Ќумурното игралиште во Битола.
Општина Битола го финансира менувањето на оштетената мрежна ограда, појачување на челичната конструкција и поставување на 6 нови врати, во вредност од 381.600 денари.
Градоначалничката Наташа Петровска го посети овој спортски објект, каде што се сретна со изведувачите и со дел од спортистите кои го користат за секојдневен тренинг. Изведувачот ја запозна со активностите кои што ќе бидат преземени во следните 30 работни денови, а спортистите пак, посочија дел од активностите, но и дел од претходните проблеми со кои се соочуваа во делот на изведување на тренинзите. Тие истакнаа дека со овој зафат на Општина Битола, ќе им се овозможи поквалитетен и побезбеден начин на тренирање. Дадоа и свои предлози за натамошно надоградување на Ќумурното игралиште со дополнителни содржини.
Ќумурното игралиште во Битола го користат голем број спортски клубови за одржување на тренинзи. Со него управува Општина Битола, а го одржува Јавното претпријатие „Комуналец“, стои во соопштението на општината.
