Битолски Весник Весник што се чита и прераскажува 60 години со читателите
Лајонс клубот Битола деновиве го промовираше својот нов проект „365 дена хуманост”, активност која на секоја хумана личност и овозможува доброволно да донира во т.н. штедливи каси, поставени на три локации во градот.
Штедливите каси ги изработи Лајон Велчо Петровски, а првата е поставена во фоајето на НУ Центар за култура-Битола.
На промотивниот настан, членовите на ЛК Битола, Велчо, Веле, Александар, Драги, Љубица, Димче, Кристина, Аница, Лилјана Н., Марјан, Христо, Ристо, Ѓоко, Илија, Стефан и Васко донираа, но и се дружеја, одбележувајќи го новиот хуманитарен проект на “ЛК Битола”.
-Штедливите каси ќе бидат поставени во текот на целата година, а собраните средства ќе бидат јавно донирани. Својата хуманост поддршка на овој проект веќе ја покажаа и други граѓани и затоа во оваа прилика ним, и на останатите што ќе се вклучат јавно им се ЗАБЛАГОДАРУВАМЕ!- стои во соопштението на Лајонс клубот Битола, што ни го испратија до порталот на Битолски весник.
Б.В.
