Битолски Весник Весник што се чита и прераскажува 60 години со читателите
Во рамките на свеченостите по повод одбележувањето на 70- годишнината од ослободувањето на Битола, вечерва беше отворен почесниот конзулат на Босна и Херцеговина во Битола.
Конзулатот за отворен го прогласија градоначалникот на Битола, д-р Владимир Талески и замениците министри за надворешни работи на Босна и Херцеговина и Македонија.
За прв почесен конзул на Босна и Херцеговина во Битола е именувана познатата естрадна ѕвезда на Битола, Билјана Дамјановска- Јанчевска.
Инаку отворањето на почесниот конзулат на Босна и Херцеговина во Битола дојде во моментот кога дури три земји ги затворија своите почесни конзулати во градот под Пелистер.
Во изминатите неколку месеци своите почесни конзулати во Битола ги затворија Хрватска, Велика Британија и Словенија.
Б.В.
