Битолски Весник Весник што се чита и прераскажува 60 години со читателите
Судскиот процес “ Транспортер“ денеска не се одржа.
Поради отсуство на првобвинетиот Владимир Талески, судењето е повторно одложено.
Иако судијката Добрила Кацарска му се закани со притвор, сепак судењето не се одржа и поради отсуство на Талески судскиот процес, на кој треба да бидат дадени завршните зборови е одложен за петок, 6 март.
Имено според информации на Битолски весник, Талески имал здравствени проблеми и бил хоспитализиран во Клиничката болница.
Судијката Кацарска го предупредила адвокатот на Талески петок да се јави на судењето.
Инаку судскиот процес “ Транспортер“ се ближи кон својот крај.
Во тек се сега завршните зборови на Обвинтелството на СЈО и одбраната.
Со оглед на тоа што во наредниот период се закажани неколку рочишта, се очекува кон крајот на месецот судењето да заврши и да биде објавена пресудата.
