Битолски Весник Весник што се чита и прераскажува 60 години со читателите
По повеќемесечни активности, деновиве, конечно, завршија активностите за реконструкција на Зоолошката градина во Битола.
Свеченото отворање на реконструираната Зоолошка градина, која доби целосно нов лик, ќе биде в сабота, со почеток во 11 часот, кога ќе се одржи голем музички хепенинг, на кој ќе настапат познати музички ѕвезди: Ламбе Алабаковски, Бојан Стојков, групата “Паркети“, младите музички ѕвезди на “Тра-ла-ла” и танцовата група “Степ“.
Зоолошката градина во Битола е реконструирана со средства од Европската унија, кои се обезбедени во рамките на проектот за преку-гранична соработка од ИПА програмата, со соседниот град Лерин.
Вкупната инвестиција за модернизација на ЗОО Битола изнесува над 400.000 евра.
Со овие средства реконструирани се 6 живеалишта за животните, а целосно се изградени новата порта во Зоолошката градина и билетарницата.
Влезот за отворањето е бесплатен.
Б.В.
