Битолски Весник Весник што се чита и прераскажува 60 години со читателите
Веќе нема дилеми. Претстојните предвремени парламентарни избори за новиот состав на Собранието ќе се одржат, среда на 15 јули.
Вака се договорија во понеделникот лидерите на двете најголеми политички партии во државата, Зоран Заев и Христијан Мицкоски.
-Свесен сум дека на сите ни е преку глава од политички игри. Се знае кој во минатото бил најодговорен пред народот и државата. За да не страда народот, го заклучуваме 15 јули како последен датум за избори. Денеска разговарав со Мицкоски и тој ми потврди дека е согласен да учествува на избори на 15 јули. Изборите ќе се одржат во среда, кој ќе биде неработен ден -истакна Заев.
Прифакајќи ја понудата лидерот на ВМРО ДПМНЕ, Христијан Мицкоски, кој инсистираше изборите да се одржат во средината на јули изјави:
-ВМРО-ДПМНЕ ќе учествува на изборите на 15 јули, изјави по понудата на Заев за денот на изборите, Христијан Мицкоски кој наведе дека двата услови кои ги барале биле прифатени.
Сега, откако е утврден датумот на изборите останува Владата да достави барање до претседателот на државата, Стево Пендаровски за прогласување на нова вонредна состојба и претседателот на Собранието, Талат Џафери да донесе решение за изборите, а ДИК да ги отпочне подготовките за организирање на изборите по сите здравствени протоколи, кои треба да ги подготви Комисијата за заразни болести.
