Битолски Весник Весник што се чита и прераскажува 60 години со читателите
Како дел од проектот за реконструкција на коловозот, канализацијата и водоводот, денеска во Битола почна реконструкцијата на улицата “ Булевар 1 мај “ , на потегот од улицата „Добривое Радосављевиќ“ до улицата „4 ти Ноември“.
Во првата фаза од реконструкцијата ќе се врши реконструкција на водоводната мрежа во должина од 592 метри, а ќе следува промена и на канализационата мрежа и поставување на нов коловоз на улицата.
Вкупната вредност на проектот изнесува 17.802.287 денари.
Со цел за комплетно завршување и уредување на овој дел на улицата , согласно склучениот договор во март годинава, предвидено е и поставување на ново улично осветлување со 25 нови канделабри на потегот од „Мал Безистен“ до улица „4 Ноември“.
Денеска увид на работите изврши градоначалникот на општина Битола, Тони Коњановски.
