Битолски Весник Весник што се чита и прераскажува 60 години со читателите
Денеска, во попладневните часови во престижната уметничка галерија Христо Цокев во Габрово, Бугарија беше отворена изложбата на карикатури – Му Wаy 4 на проф. д-р Јордан Ѓорчев прв човек на Меѓународниот славјански универзитет.
На отварањето, говореа директорот на галеријата – Евгени Недев, ректорот на нашиот партнерски, Великотрновски универзитет – Димитар Димитров, деканката на Факултетот за ликовна уметност – Антоанета Анчева и промоторот, професор и естетичар Кирил Трајчев.
На изложбата присуствуваа голем број на истакнати претставници од уметничкиот живот, познати општествени работници, меѓу кои ректорот на нашиот партнерски универзитет, Техничкиот универзитет во Габрово – проф. д-р Илија Железаров и поранешниот ректор на Великотрновскиот универзитет – проф. д-р Христо Бонџолов.
Изложбата беше одлично организирана, а отварањето се одржа во исклучителна и прекрасна уметничка атмосфера.
Изложбата ќе биде поставена во галеријата до почетокот на месец мај.
