Битолски Весник Весник што се чита и прераскажува 60 години со читателите
Осми септември, Денот на независноста во Битола беше одбележан со полагање на букети свежи цвеќина пред споменикот на Револуцијата пред Центарот за култура.
На ова спомен- обележје букети цвеќиња положија делегации на Сојузот на борците, градоначалникот на Битола, Владимир Талески, делегација на Советот на општината, делегациите на партиите на ВМРО- ДПМНЕ, СДСМ и ПОДЕМ.
За значењето на Осми септември изјави за медиумите дадоа градоначалникот на Битола Владимир Талески, лидерот на ВМРО-ДПМНЕ и актуелен пратеник Зоран Илиоски, и лидерот на СДСМ и пратеник Васко Ковачевски, кои го истакнаа огромното значење на овој ден, кога пред 23 години Македонија се стекна со својата независност.
Б.В.
Фото: С.Р.
