Битолски Весник Весник што се чита и прераскажува 60 години со читателите
Во соработка со јавните претпријатија и неколку градежни фирми од градот, општина Битола и оваа година е дел од националната акција „Македонија без отпад 2014”. Во рамките на акцијата под координација на општинскиот инспекторат во Битола се чисти на 15 локации каде што се лоцирани диви депонии.
-Ова е една голема акција за чистење на дивите депонии во урбаниот и руралниот дел на општината. Оваа акција најмалку два пати годишно се реализира, а доколку овие денови не се заврши акцијата ЈП“Комуналец“ ќе продолжи да работи и следните денови. За жал сеуште има несовесни граѓани кои го фрлаат сметот на места кои не се за тоа,изјави градоначалникот на општина Битола, д-р Владимир Талески.
Во идниот период продолжуваат интервенциите на општинската комунална инспекција, која нема да дозволи толеранција на загадувачите.
Во изминатиот период под водство на оваа локална самоуправа се исчистени голем број на диви депонии кои претходното раководство ги остави во наследство и беа грда слика за Битола.
Пред започнувањето на овие акции за чистење, пред околу 10 години, во Битола беа лоцирани над 100 диви депонии.
Тој број е во голем дел намален, во насока на еколошки почиста и посредена животна средина во Битола.
Б.В.
