Вечерва СДСМ објави дел од според нив телефонски разговор меѓу министрите Миле Јанакиески и Елизабета Канческа- Милевска, од кој се слуша дека ВМРО-ДПМНЕ е незадоволно од тоа што семејството на Тоше Проески за време на изборите не ја поддржувало владејачката партија.
Од разговорот се слуша како Јанакиески и е лут на министерката за култура Милевска затоа што дозволила семејството на Проески во Крушево да биде „на другата страна”.
-А секој месец им даваме по 3.000 евра, изградивме спомен-дом од 5 милиони евра, фондација… а тие така- е пораката на Јанакиески и Милевска, беше објавено вечерва од страна на СДСМ во Универзалната сала во Скопје.