Битолски Весник Весник што се чита и прераскажува 60 години со читателите
Кривична пријава против триесетгодишен ресенчанец за напад на шумски полицаец, кој се обидел да спречи нелегална сеча и транспорт на дрвна маса кај местото викано „Избишко долиште“ во Ресен.
СВР-Битола, преку полициската станица во Ресен поднесе кривична пријава против Џ.Н. (30) од Ресен, поради постоење основи на сомнение за сторено кривично дело „Напад врз службено лице при вршење работи на безбедноста“.
Во обид да извршат контрола врз лицата и тракторот, Шумските полицајци биле попречени и пријавеното лице на командирот на Шумската полиција- Битола му нанел тешки телесни повреди, откачувајќи приколка натоварена со дрва, која поминала врз долните екстремитети на Командирот при што истиот се здобил со скршеница на нозете, констатирани во Клиничка Болница Битола.
Од страна на Судија за претходна постапка на пријавениот Џ.Н. од Ресен, одредена му е мерка притвор во траење од 48 часа.
