Битолски Весник Весник што се чита и прераскажува 60 години со читателите
Унијата на жени на ВМРО-ДПМНЕ Битола, по повод Светскиот ден на книгата , од битолскиот Музеј, каде што се чува Битолската плоча, стара десет века, ја упати пораката:
-Кога Македонија чествува илјада и сто години од Светиклиментовите слова, а Битола илјада години од именувањето на камената плоча пред која се наоѓаме, важноста на зборот е уште повеќе нагласена во светлината на предизвиците со кои сите се соочуваме и во Македонија и во светот. Ако книгите се чувари на зборот, колективна меморија на народот, сите ние денес имаме обврска да го одбраниме неговото вистинско значење и смисла. Сведоци сме на сквернавење на дрска и безочна злоупотреба на значењето на зборовите: правда, мир, слобода, Македонија чија светост сите заедно имаме обврска да ја сочуваме и предадеме на идните генерации- порачуваат од Унијата на жени на владејачката ВМРО-ДПМНЕ од Битола.
Жените од ВМРО-ДПМНЕ од Битола ја цитираат и пораката на Ирина Бокова генерален директор на УНЕСКО, по повод Светскиот ден на книгата.
-Во пресудни времиња, како овие, книгите ја отелотворуваат човековата способност за апел до сите во светот да ги користат гласовите на разбирање, дијалог и толеранција. Книгите се единствената сила, која може да се спротивстави на она што го нарекува Шекспир „заедничко проклетството на човештвото – глупоста и незнаењето”- велат од Унијата на жени на владејачката ВМРО-ДПМНЕ од Битола.
