Битолски Весник Весник што се чита и прераскажува 60 години со читателите
Вечерва, опозициската ВМРО ДПМНЕ , во знак на револт од притворите , организираше протест пред истражниот затвор во Шуто Оризари. На протестот дојде и претседателот на ВМРО ДПМНЕ Никола Груевски, но не се обрати, а ги избегна и да одговори на новинарските прашања, дали одлучил кога ќе ја потпише оставката . Влатко Ѓорчев од ВМРО ДПМНЕ рече дека во Македонија владее режим. Наместо разврски за убиства, се апсат луѓе што ја сакаат татковината .
„Актерот Владо Јовановски е новиот Ристо Шишков. Зарем актер кој никого не нападнал, не удрил, не раскрварил треба да биде суден за тероризам, за дела против државата и уставниот поредок“, порача Ѓорчев. Тој вели дека на нивните протести се присутни мал број на граѓани бидејќи во државата владее режим, а тие биле исплашени да се појават на улица во знак на солидаризирање со притворените бидејќи власта го снимала секој чекор на сите вработени во институциите, но и приватниот сектор.
