Битолски Весник Весник што се чита и прераскажува 60 години со читателите
Иако, на Eвропското првенство во кик-бокс кое се одржува деновиве во Шпанија, отпатуваа со оптимизам дека имаат можност да стигнат до медал, двајцата македонски репрезентативци од Битола, Александар Најдовски – Сканта и Александар Димовски – Димса не го поминаа првото коло.
Во полутешка категорија Најдовски беше поразен на поени, а во тешка категорија над 91 килограми Димовски е поразен со прекин во втората рунда.
Од директниот пренос на стриминг- каналот на европското првенство, само пред поливина час, се виде дека Димовски во втората рунда прими неколку удари во нога и по “броењето” на главниот судија во рингот тој се одлучи да не го продолжи мечот.
Димовски, во првата рунда имаше рамноправна борба со далеку поподготвениот руски репрезентативец.
С.Р.
