Битолски Весник Весник што се чита и прераскажува 60 години со читателите
Дарија Крстевска од АК Олимп Битола ќе ја претставува Македонија на Балканското првенство во Крос Кантри.
Имаме чест да споделиме одлични вести од АК Олимп – макотрпната работа, посветеноста и најуспешната сезона на нашата атлетичарка Дарија Крстевска резултираа со нејзиниот прв повик во дресот на македонската репрезентација!
Дарија ќе ги брани боите на Македонија на претстојното Балканско првенство во Крос Кантри, кое ќе се одржи на 9 ноември во Камплунг, Романија. Во категоријата У20 години, таа ќе се натпреварува во дисциплината трчање на 6 км, покажувајќи ги своите способности и залагање на меѓународната сцена.
АК Олимп е горд на својот талент, а цела Македонија ќе навива за Дарија во нејзината мисија да го претстави нашето знаме и да се натпреварува со најдобрите атлетичари од Балканот. Ѝ посакуваме успех и инспиративен настап на Балканското првенство, со целата поддршка и гордост што ја заслужува!
