Поранешниот министер Џери Наумоф голем лобист за развој на економијата во Македонија ја посети индустриската зона во Општина Новаци

Градоначалникот на Општина Новаци, Стевче Стевановски изрази големо задоволство од посетата на Општина Новаци и новата Индустриска зона од како што вели, еден од важните бизнис лидери во Америка и голем лобист за развој на економијата во Македонија, Џери Наумоф, кој е посветен во својата улога на посредник при голем број на странски инвестиции.

„На мое големо задоволство Општина Новаци и новата Индустриска зона ја посети еден од важните бизнис лидери во Америка и голем лобист за развој на економијата во Македонија, Џери Наумоф, кој е максимално посветен во својата улога на посредник при голем број на странски инвестиции. Тој е поранешен министер без ресор задолжен за странски инвестиции, претседавач на Емеритас и основачки партнер во ТАСКФОРЦЕ компанија која вработува повеќе од 1000 млади луѓе во регионот-информираше градоначалникот Стевановски притоа додавајќи

Тој моментно е член на бордот на директори на РУМБЛЕ , компанија која е во сопственост на америчкиот бизнисмен со македонско потекло, Крис Павловски.
„Во градоначалникот Стевановски препознав човек со визија и искрена намера да направи нешто за развој на општина Новаци и целиот регион. Токму затоа сакам да ги искористам моите позиции и врски со американските бизнисмени, врските со Турција и локалниот бизнис сектор , сите заеднички да направиме многу повеќе за нашата држава. Верувам дека на Македонија им се потребни повеќе вакви градоначалници како Стевче Стевановски, кои се бизнис ориентирани и ќе го следат неговиот пример“- рече Џери Наумоф .
Бројни се нашите напори да привлечиме домашни и странски инвеститори кои би отвориле свои производствени капацитети во Индустриската зона во Новаци. Во таа насока денес на средбата беа присутни и нашиот економски промотор за Р.Турција, Рамазан Тезџан и еден од идните локални инвеститори во зоната.

„Многу мие мило што мојата работа и мојата заложба привлече и заинтересира човек како што е Џери Наумоф. Разговаравме за можностите и потенцијалите кои што ги нуди Индустриската зона во Новаци, и можам да кажам дека сум задоволен од големиот интерес кој се пројави за нашите парцели. Новаци нуди одлична локација за бизнис, бидејќи овозможува поврзување на многу ресурси, можности и потенцијали од различни стопански гранки. Можам да најавам дека во блиска иднина ќе биде ставен и камен темелник на првата фабрика во Индустриската зона во Новаци– рече Стевче Стевановски, градоначалник на Општина Новаци.

Општина Новаци е целосно посветена на развој на инфраструктурата до и во Индустриската зона. Со средства од општинскиот буџет и од Владата се градат пристапните патишта до зоната односно три краци со вкупна должина од околу 2 км чија вредност изнесува повеќе од 60 милиони денари, а со средствата од Унгарскиот заем преку Владата и кофинансирање од Општина Новаци ќе се гради водовод, канализациона и атмосферска мрежа внатре во зоната со вкупна вредност од 26 милион денари.