Битолската полиција во двор од црква фати малолетници со дрога

На 20.03.2024 во 13.00 часот, полициски службеници од СВР Битола привеле пет малолетници и С.М.(19), сите од Битола.

Тие биле затекнати во двор на црква во Битола и при преглед кај нив, кај двајца од малолетниците биле пронајдени и одземени повеќе пакувања со марихуана.

По документирање на настанот ќе следува соодветна пријава, соопштија од СВР Битола.