Битолските актери се качија на Кинескиот ѕид

По успешната турнеја во Кина, актерите на Народниот театар, доцна синоќа  се вратија во Битола.

Тие во Националниот театар во Пекинг одиграа две претстави од театарскиот проект “Хенри шести” со која пред две години настапија на сцената на Глоуб театарот во Лондон.
Театарската изведба беше на 18 и на 19 октомври на шестиот по ред Интернационален Фестивал на театарски класици во Пекинг, Кина.

Организатор на овој Фестивал е Националниот театар на Кина . Учество зедоја театри од Америка, Сеул, Германија. Ова е и воедно продолжување на соработката со Националниот театар од Кина , како и возвратна посета .

Имено во 2013 год. овој театар настстапи на “Битола Шекспир фестивалот” во Хераклеја со претставата „Ричард Трети“.

Б.В.