Битолски Весник Весник што се чита и прераскажува 60 години со читателите
На денешната комеморација на француските гробиштан а изненадување на организаторите како и присутните не се појави градоначалникот на Битола, Владимир Талески. Тоа што е интересно е дека денеска на комеморацијата, по повод 100 години од Битката за Битола не присуствуваше никој од општината Битола,а од ВМРО ДПМНЕ присутен беше само локалниот лидер Борче Димитровски.
Отсуството на Талески и на локалната самоуправа денеска никој не го објасни.
Да потсетиме Владимир Талески е добитник на највисокото француско признание, кое го доби пред неколку години.
Инаку ова не е прв пат Талески да ескивира разни свечености кои се одржуваат во Битола. Тој не присуствуваше ни на прославата денот на победата на фашизмот 9 мај, кој се организира на плоштадот Магнолија, а не присуствуваше ни на комеморацијата по повод 16 годишнината од загинувањето на македонските бранители на патот Шипковица – Гајре.
