Заев и Ахмети се договрија за заеднички кандидат за претседател

Претседателот на ДУИ, Али Ахмети по средбата со премиерот Зоран Заев изјави дека постигнале договор на претседателските избори да одат со заеднички кандидат.

-Се договоривме на овие избори да излеме со заеднички кандидат. И ова да стане стандард и во иднина и ќе биде во корист на граѓаните. Секако дека се разговара за имињата за кои се зборува во јавноста и во наредните денови ќе се одлучи за кандидатот. Ќе има средби и со други партии за и тие да се здружат за оваа добра идеја, рече Ахмети.