Битолски Весник Весник што се чита и прераскажува 60 години со читателите
Денес, на Француските воени гробишта во Битола се одржа традиционалната церемонија по повод Примирјето од 11 Ноември 1918 година и „Денот на народната жалост“.
Заедничката комеморација на амбасадите на Сојузна Република Германија и Република Франција е во знак на сеќавање на загинатите, повредените, исчезнатите и прогонетите од сите војни и нации, во чиј спомен денес, свежо цвеќе положија амбасадорката на Германија, Петра Дрекслер, амбасадорот на Франција, Кристоф Ле Риголер, пратениците од Битола во Собранието на Македонија Пеце Милевски и Бисера Костадиновска-Стојчевска, градоначалникот на Општина Битола, Тони Коњановски, претседателката на Советот Габриела Илиевска, како и други делегации и гости.
Меморијалниот комплекс кој е сместен на Француските воени гробишта во Битола, им оддава почит на војниците и зборува за значајното место што Македонскиот фронт го има во европската историја.
Тој е потсетник дека сме испочитувале, дека сме научиле од минатото, да градиме иднина во која ќе создаваме свет на единство, солидарност и пријателство.
