Битолски Весник Весник што се чита и прераскажува 60 години со читателите
Градоначалникот на општина Битола, денес ги додели наградите за најубаво новогодишно украсен простор. Беа доделени вкупно девет награди меѓу кои 3 први, 4 втори и 2 трети награди.
Во категоријата најубаво новогодишно украсени куќи и дворови прва награда доби Пеце Апостоловски и Кире Јанковски, втора: Благојче Јанкуловски и Славица Димовска и трета награда Благој Ѓоргиевски.
За најубаво украсени станбени згради и балкони беа наградени со прва награда Игор и Лиле Лозановски, втора награда за Моника Милошевска и трета награда за Бошко и Ратка Велјанови.
Од категоријата најубаво новогодишно украсени институции и угостителски објекти прва награда беше доделена на ГП Пелистер за објектот “Стаклена зграда“ и втора награда за хотел ресторан “Шумски фенери“.
Градоначалникот Талески им честита на добитниците, посакувајќи идната година да бидат уште повеќе мотивирани за уште поубаво украсување на општината и поединечните објекти.
Наградите и оваа година се парични и изнесуваат 3000 денари за трета награда, 5000 денари за втора и 7000 денари за прва награда.
Б.В.
