На денешната средба на градоначалникот на Битола, Тони Коњановски со претседателот на Еврејската заедница во Република Македонија, Пепо Леви и извршниот директор на Музејот на Холокаустот, Горан Садикаријо меѓу другото се разговараше за тоа како да се стави во функција Пиоенерскиот дом во Битола, кој е сопственост на Еврејската заедница.
Пионерскиот дом, кој беше центар на културни збиднувања на најмладите во Битола и во кој функционираа голем број на пионесрки секции, а кој се наожа во строгиот центар на Битола, е реновиран со години седи заклучен.
На средбата со претставниците на Еврејската заедница која се одржа по повод претстојниот празник, 11 март – Денот на холокаустот на македонските Евреи, градоначалникот Коњановски, го отвори прашањето поврзано со Пионерскиот дом .
Заеднички беше констатирано дека, по завршувањето на потребните постапки поврзани со објектот, кои се веќе отпочнати од страна на сопствениците, ќе се разговара и за содржинското исполнување и функционалност на објектот, за што општината би дала поддршка, согласно законската можност.