Home / Политика / Нова кривична пријава на СДСМ против Талески

Нова кривична пријава на СДСМ против Талески

Денеска СДСМ до Основното јавно обвинителство во Битола поднесе кривична пријава против градоначалникот на Општина Битола, Владимир Талески и непознат сторител.

 

-Кривичната пријава произлегува од конечниот Извештај на Државниот завод за ревизија за работата на Општина Битола за 2011 година, изјави претседателот на општинската организација на СДСМ и пратеник Васко Ковачевски.
На прес-конференцијата, Ковачевски нагласи дека наводно при контролата, државниот ревизор утврдил низа неправилности и незаконско постапување на пријавените.

 

-Со противзаконското трошење парични средства од Буџетот на Општина Битола, направена е вкупна штета по сите точки од кривичната пријава од 15.299.000,00 денари.
Станува збор за исплата на средства без донесување годишен план и програми, исплата на надоместоци и средства спротивно од Законот за државни службеници и Законот за локална самоуправа. Очекуваме Обвинителството да преземе активности согласно неговите должности утврдени со закон- нагласи Ковачевски притоа додавајќи:

 

-Извештајот на Ревизорот за незаконско работење на Талески е уште една потврда на она што ние постојано го говоревме за огромните задолжувања и неразумните трошења на народните пари – истакна на прес-конференцијата пред Основното јавно обвинителство, Васко Ковачевски.

 

 

Б.В.

Leave a Reply

Your email address will not be published. Required fields are marked *

*

error: Content is protected !!