Home / Култура / Работата на битолските новинари прикажана низ ретроспективна изложба

Работата на битолските новинари прикажана низ ретроспективна изложба

Битолските новинари, фоторепортери, камермани, технички реализатори директно или индиректно вклучени во средствата за јавно информирање и од двата сектора, во петокот, во националната установа “Завод и музеј“ презентираа фото- изложба на тема „Битолско ретроспективно новинарство”.

Фото -изложбата е поместена во изложбениот салон на битолскиот Музеј, а на посетителите им се понудени повеќе од 100 фотографии од приватната архива на новинарите или нивните редакции.

-Станува збор за фотографии од настани во градот, прес- конференции, истражувачка работа, водителство, но и новинарски другарувања што често ги практикуваат битолските новинари. Секогаш интервјуираме, снимаме, фотографираме политичари, функционери и други јавни личности, но овој пат објективот го свртивме од другата страна, кон самите нас, истакна новинарката Жанета Здравковска.

18799_10153678538279942_7693945611436327668_n

Преку изложбата, додаде, на јавноста и се раскажува љубовта кон оваа професија.

Според Петар Ставрев, еден од доајените на битолското новинарство, во битолските медиуми се регистрирани над 200 лица, новинари, фоторепортери, камермани, кои работеле на локално, регионално и национално ниво.

-Извршувајќи ги работните задачи сме се радувале опишувајќи добиени награди, а сме тагувале и плачеле за трагедии, пожари и други човечки судбини. Сме ги надминувале сопствените животни секојдневија пропуштајќи си родендени и други домашни веселби, ставајќи ги во преден план професионалните обврски. Секогаш сме се залагале за објавување на точни и проверени информации и со почитување на сите законски процедури, демократските, естетските и слободарси процеси, рече новинарот Петар Ставрев.

Изложбата на тема „Битолско ретроспективно новинарство” ја поддржаа НУ Завод и Музеј-Битола, печатница АД „Киро Дандаро”-Битола и млекарницата „БиМилк.

 

 

 

Б.В.

Фото: Игор Војновски

Leave a Reply

Your email address will not be published. Required fields are marked *

*