Битолски Весник Весник што се чита и прераскажува 60 години со читателите
Алексис Ципрас, лидерот на грчката крајно левичарска партија Сириза по вчерашната изборна победа објави дека неговата земја го остава зад себе катастрофалното штедење.
Сириза доби околу 36 насто од гласовите, пред конзервативците на премиерот Самарас кои освоија 28 насто.
Ципрас вети дека ќе стави крај на петгодишното понижување и болка на кои била присилена Грција поради меѓународниот план за спасување од банкрот во 2010 година.
-Пресудата на нашиот народ значи дека тројката е завршена работа“, изјави Ципрас, мислејќи на грчките главни кредитори, Европската унија, ММФ и Европската централна банка.
Тој ова го изјави пред неговите приврзаници откако резултатите од предвремените парламентарни избори покажаа дека Сириза добила околу 36 насто од гласовите, пред конзервативците на премиерот Андонис Самарас кои освоија 28 насто.
Сепак, Ципрас како да ја омекна неговата претходна реторика и сега наместо заканите за „кинење“ на финансиските договори со тројката изјави дека ќе работи со меѓународните кредитори за остварлив договор околу отплатата на долгот.
Невработеноста во Грција е околу 25 насто, а економијата е во рецесија од почетокот на кризата во еврозоната во 2008 година.
