Home / Вести / Апел од Водовод: Заштитете ги водомерите

Апел од Водовод: Заштитете ги водомерите

Ниските температури кои владеат во Битола предизвикаа дефекти во
водоводната мрежа во одредени домаќинства, најчесто од пукање на стаклата
на водомерите. Од ЈКП „Водовод“ апелираат граѓаните да ги заштитат своите
водомери, бидејќи тоа е единственото алтернативно решение, а за сите
дефекти и прекини во снабдувањето со вода да се обратат на дежурниот
телефонски број 047238200.
Од ова јавно претпријатие информираат дека е зголемена
потрошувачката на вода за околу 25%, односно во одредени делови од денот,
особено во вечерните часови, таа достигнува и до 680 литри во секунда.
Стравувајќи од замрзнување на чешмите и цевките за вода, граѓаните
оставаат да тече вода постојано. Сепак од ЈКП „Водовод“ апелираат водата да
се користи рационално. И покрај ваквите временски услови, снабдувањето со
вода е непречено, а во меѓувреме за новонастанати дефекти, граѓаните можат
да се јавуваат на дежурниот телефон.

Leave a Reply

Your email address will not be published. Required fields are marked *

*

error: Content is protected !!